Tottenham ka shuar ëndrrën e Shkëndijës së Tetovës për të kaluar më tej në Europa League. “Spurs” ishin favoritët e padiskutueshëm të kësaj sfide, megjithatë Shkëndija vinte me shpresën për të bërë të pamundurën. Ndeshja nisi që në fillim keq për Shkëndijën, pasi në minutën e 5-të, Son bëri gjithçka mirë duke gjetur të lirë Lamelën, i cili kaloi në avantazh anglezët. Megjithatë pjesa e parë u mbyll me këtë rezultat dhe Shkëndija ja doli të mbrohej mirë pas sulmeve të Spurs. Pjesa e dytë ishtë ajo që çoi peshë zemrat e tifozëve, pasi në minutën e 55’, Vladimir Nafiu barazoi rezultatin me një predhë nga jashtë zonës duke lënë portierin Joe Hart, me ‘gisht në gojë’.
Goal Valmir Nafiu, 1-1! #SKHTOT #UEFAEuropaLeague pic.twitter.com/kSwmDxwg6z
— The Football Structure (@TheFS_Live) September 24, 2020
Në këtë moment të gjithë tifozët filluan të ëndërronin dhe të shpresonin se mund të ndodhte ndonjë mrekulli, por i përhershmi Son, u harrua në zonë nga mbrojtësit e Shkëndijës, dhe dërgoi topin në rrjetë në minutën e 70’, duke rikthyer Tottenhamin në avantazh. Ekipi i Gjokës duket se pësoi një goditje psikologjike nga ky gol dhe u shpërqëndrua në fushë. Pas kësaj Tottenhami dominues, shënoi edhe golin e tretë, me Kane që shfrytëzoi krosin e Son duke dërguar topin në rrjetë. Bomberi anglez i vuri vulën sfidës duke eleminuar Shkëndijën e Ernest Gjokës, me këtë të fundit që kishte përballë një ekip të klasit botëror, të drejtuar nga një trajner i klasit botëror si Jose Mourinho.
Pa.Va/Fjala.al
