Rusia ka paralajmëruar zgjerimin e listës së qytetarëve nga BE që do të ju ndalohet hyrja në territorin e saj, që është paraqitur si përgjigje ndaj veprimeve “armiqësore” nga europianët.
Ata akuzojnë Perëndimin dhe liderët e tyre për fushatë dezinformimi ndaj Rusisë pas kritikave me rastin e helmimit të liderit të opozitës ruse Alexey Navalny.
“Thjeshtë, konsiderojmë se kjo retorikë është e papranueshme. S’ka asnjë dëshmi” kundër Rusisë, sipas Zaharovas.
Shefi i diplomacisë së BE’së, Josep Borrell, jo shumë kohë më parë kishte përmendur miratimin e “ligjit Navalny” si mjet për sanksionet eventuale. Gjermania, që vet është nën kritika për shkak të lidhjeve me Rusinë në projekte si NordStream2, po ashtu po mendohet për masa ndëshkuese.
Navalny, kundërshtari më i madh i presidentit rus Putin i cili në fund të gushtit ishte bartur në Gjermani për shkak të helmimit, dje është liruar nga spitali. Specialistët gjermanë për armë biologjike kanë konstatuar se Navalny është helmuar me reagensin Novicok nga koha e sovjetikëve, që ka shtyrë Gjermaninë të kërkoj që të hetoj rastin.
Ekipi i Navalny e ka akuzuar Kremlinin për helmimin e tij, akuza këto që janë mohuar ashpër nga zyrtarët rus.
Kremlini po ashtu ashpër kishte reaguar ndaj thirrjeve të Kancelares së Gjermanisë, Angela Merkel, si dhe figurave tjera që të përgjigjen rreth rastit të helmimit. Ru. Do/ Fjala.al
