Kryeministri Edi Rama së bashku me kryebashkiakun Erion Veliaj ishin në Dajt, aty ku po ndërtohen banesat e reja për familjet e mbetura të pastreha nga tërmeti i 26 nëntorit.
Teksa u falënderua nga një prej familjeve, Rama tha se qeveria ka bërë vetëm detyrën, por i kërkoi që të kenë durim, pasi nuk bëhen të gjitha punët menjëherë.
“Kjo është një e mirë e madhe që shpëtuat njëherë e mirë. Do të hyni në një shtëpi për së mbari. Do të hyni në një shtëpi. Vitin e ri do ta kaloni në një shtëpi përsëmbari”, u shpreh Rama.
Gruaja: Faleminderit që na keni ndihmuar.
Edi Rama: Ne punën kemi bërë, por vetëm pak durim se nuk bëhen punët përnjëherë.
Erion Veliaj: Ka dhe njerëz spekulantë që thonë nuk janë paguar. Ne kemi ruajtur faturat e të gjithëve. Edhe kur dikush shpif ne për punë dy minutash verifikojmë.
Nga ana e tij, kryebashkiaku Veliaj informoi kryeministrin Rama se në të gjithë Tiranën janë 359 kantiere të hapura. Ai bëri të ditur se të hënën do të ketë edhe një mbledhje të Këshillit Bashkiak për të miratuar dhe listën me 250 shtëpitë e fundit individuale që do rindërtohen./Bl.Ba/Fjala.al
https://www.facebook.com/edirama.al/videos/316783869620623/
