Agjencia Kombëtare e Mbrojtjes Civile i ka drejtuar një shkresë zyrtare 5 prefekturave në vend për ti paralajmëruar për masat që duhet të marrin për motin e keq gjatë fundjavës.
Sipas IGjEUM në veri perëndim dhe në jug të vendit priten reshje shiu dhe stuhi ndërkohë që vendet më të rrezikuara janë Shkodra, Dibra, Malësia e Madhe e Kruja.
Sipas AKMC mund të ketë përmbytje, prandaj kërkohet nga Prefekturat gatishmëri dhe madje dhe plan për zhvendosje popullsie në rast rreziku./Jo.Be/Fjala.al
Njoftimi i IGjEUM në facebook:
Instituti i Gjeoshkencave, Energjisë, Ujit dhe Mjedisit
Sot pasdite (e premte, dt. 25) dhe nesër (e shtunë, dt. 26) priten reshje shumë intensive në qarqet Lezhë dhe Durrës, ndërsa në qarqet e tjerë priten reshje intensive. Në qarqet Shkodër, Kukës, Elbasan, Vlorë dhe Gjirokastër reshjet do të arrijnë lokalisht deri shumë intensive (siç tregohet në tabelë, respektivisht për secilin qark).
Reshjet e shiut dhe breshëri të shoqëruara me erë dhe me shtrëngata do të prekin pjesën më të madhe të territorit (sipas tabelës). Shtrëngatat dhe intensiteti i lartë i reshjeve për momente të shkurtra mund të krijojë probleme të ndryshme si edhe vërshime të ujit dhe përmbytje sidomos pranë përrenjve dhe lumenjve të vegjël dhe të mesëm ose në zonat urbane në varësi të sistemit të kanalizimeve. Të gjithë lumenjtë do të pësojnë rritje të niveleve përgjatë fundjavës, por me rrezikshmëri më të lartë në ditën e shtunë, dt. 26 llogariten të jenë pjesët e poshtëme të lumenjve Drini i Lezhës, Mat, Ishëm dhe Erzen. Shtrëngatat do të jenë të shoqëruara dhe me shkarkesa elektrike.
TEMPERATURAT
Nesër (e shtunë, dt. 26) temperaturat minimale dhe maksimale të ajrit pritet të arrijnë:
në bregdet: 19 / 20°C; në vendet e ulëta: 18 / 19°C; në vendet malore: 13 / 16°C
ERA
Sot pasdite (e premte, dt. 25) dhe nesër (e shtunë, dt. 26) era pritet të fryjë mesatare deri e fortë, ndërsa në bregdet deri shumë e fortë.
ZJARRET NË PYJE
———————-
Sot pasdite (e premte, dt. 25) pritet rrezik “I MODERUAR’’ në qarqet Shkodër, Fier dhe Korçë, ndërsa në qarqet e tjerë pritet nivel rreziku “I ULËT” dhe “S’KA RREZIK” .
Nesër (e shtunë, dt. 26) pritet nivel “S’KA RREZIK” në të gjithë qarqet (siç tregohet në tabelë, respektivisht për secilin qark).
Në disa qarqe pritet rrezik “I MODERUAR’’ në zona të lokalizuara, konkretisht: në qarkun Vlorë (Veri) dhe Gjirokastër (Qender). Rreziku do tё jetё mё i lartё ditën e sotme.
