Janë larguar 3, por kanë ardhur 12 afrime të reja, edhe Kolela ka zëvendësuar Merxhushin në stol. Sikundër pritej, edhe skuadra e rikthyer pas disa vitesh në Kategorinë Superiore, Apolonia, është shndërruar në një kantier ndërtimi, çka padyshim e ka vështirësuar edhe punën e trajnerit italian, Xhovani Kolela, i cili zëvendësoi në stolin fierak trajnerin shqiptar, Artan Merxhushi.
Ky i fundit i riktheu myzeqarët në nivelin më të lartë të Kampionatit Kombëtar të Futbollit, por, përtej premtimeve për vazhdimësi, u zëvendësua nga trajneri italian. Dhe tanimë janë konfirmuar si të larguar Gelando Sharavolli, Redjon Kardhashi dhe Sokol Ymeraj. Ndërkohë, janë plot 12 të afruarit, dhe më konkretisht është Glejdis Ndraxhi, Drago Mumbar, Andrea Shumeli (i rikthyer nga huazimi), Benito Çulli, Imran Fetai, Rimal Haxhiu, Serjan Repaj dhe dhe Eraldo Deda.
Ndërsa janë edhe 4 ganezët Benxhamin Agjare, Kofi Xheboah, Bernard Artur, Robert Gansah. Edhe pse do të luajnë në elitë, fierakët po i qëndrojnë “besnikë” filozofisë së tyre, për promovimin e elementëve të talentuar. Kështu, nga afrimet e kësaj vere Glejdis Ndraxhi dhe Drago Bumbar janë nga 22 vjeç, Rimal Haxhiu, 21 vjeç, Benito Çulli dhe Serjan Repaj nga 20 vjeç dhe Imran Fetai 18 vjeç, shihet që mosha mesatare është 20.5 vjeç.
I fundit që është bashkuar në stërvitje është shkodrani Eraldo Deda. Një futbollist që ka dalë nga akademia kuqeblu dhe aktivizuar edhe me Vllazninë B sezonin e kalua por që ka zgjedhur Apoloninë si mundësi për të dëshmuar aftësitë e tij dhe për më tepër hapësirë aktivizimi. Ka.Li/fjala.al
