Pas politikës për të cilën Topalli ka shumë kritika ish-deputetja e PD ka edhe momente që ia hedh poshtë të gjitha. Një prej tyre duket se është edhe ky mëngjes të diele.
Ish-nënkryetarja e Partisë Demokratike Jozefina Topalli e ka nisur këtë ditë të diele duke shijuar një kafe në lagjen e saj.
Shoqëruesja për këtë kafe është një nga njerëzit e saj më të dashur, pikërisht nëna e Topallit.
Teksa ka postuar një foto në rrjetin e saj social Facebook ku shfaqen të lumtura nënë e bijë, Jozefina Topalli shkruan përkrah: “Kafe te lagja”.
Nuk është hera e parë që Topalli i vlerëson shumë të tilla momente, disa ditë më parë gjatë emisionit HARD TALK NGA ROLAND QAFOKU, Topalli zbuloi atë pjesë për të cilën ajo lumturohet dhe dorëzohet. Është nipi i saj, djali i vajzës që për Topallin është sikur lind dielli.
“Të qenit gjyshe është gjëja më e bukur që njeriu mund të përjetojë. Nëse fëmija është një dashuri e madhe, nipi është një adhurim. Ndaj të thashë që unë kam qenë e privilegjuar në jetë. Fëmijët i kam mirë me shëndet, nuk më kanë krijuar shqetësime, nuk më kanë lënë ndonjë natë pa fjetur. A ka gjë më të bukur? I them Zotit faleminderit 1 mijë herë.
Zoti i rregullon ndonjëherë punët me dorën e vet. Unë kam dhe në shtëpi nënën që është e sëmurë dhe këto vite që unë kam qenë larg parlamentit kam pasur mundësinë të kujdesem për nënën por edhe ndihmoj vajzën time për të rritur fëmijën e vogël”, tha Topalli./Bl.Ba/Fjala.al
https://www.facebook.com/jozefina.topalli.9/posts/3304331469653310
