Kreu i Bashkisë Sarandë, Adrian Gurma publikoi projektin më të ri për këtë qytet.
Në rrjetin social Facebook, ai ka publikuar pamjet nga puna për ndëtimin e rrugës nr 1 Lëkurës – Kanali i Çukës, vepër në vlerën e rreth 462 milion lekë me TVSH, me një gjatësi 2.33 km gjerësi 11 m,gjerësi të brezit të kalimit të automjeteve 8 m, me trotuare në të dy anët,si dhe të gjithë elementët e tjerë të nevojshëm të infrastrukturës rrugore.
Ky investim do të jetë një ndihmë thelbësore për qytetin bregdetar në lehtësimin e trafikut gjatë sezonit turistik. Ndërkohë ky është një premtim tjetër i mbajtur nga kryebashkiaku Gurma që e ka premtuar gjatë fushatës elektorale.
Postimi i plotë:
“Është futur në proçesin e tenderimit dhe së shpejti pritet të fillojë puna për ndëtimin e rrugës nr 1 Lëkurës – Kanali i Çukës,vepër në vlerën e rreth 462 milion lekë me TVSH,me një gjatësi 2.33 km gjerësi 11 m,gjerësi të brezit të kalimit të automjeteve 8 m,me trotuare në të dy anët,si dhe të gjithë elementët e tjerë të nevojshëm të infrastrukturës rrugore.
Do të jetë një unazë panoramike e Sarandës,që lehtëson ndjeshëm fluksin e lëvizjes urbane kryesisht gjatë sezonit turistik,por që jep në të njëjtën kohë tjetër qasje,koncept e zhvillim për zonën ku ajo kalon.
I lumtur që po bëhet realitet një ëndërr e kahershme e banorëve,domosdoshmëri për qytetin,por edhe një premtim i bërë gjatë fushatës elektorale për zgjedhjet lokale të 2019.
Premtime të mbajtura!”, shkruan Gurma.
Pa.Va/Fjala.al
