Vajza e Lefter Zhidrus, 71-vjeçari që u vra nga forcat RENEA në Elbasan pak ditë më parë, ka treguar detaje nga ngjarja e 24 shtatorit.
Për emisionin “Pa Gjurmë” 14-vjeçarja ka treguar se kishte marrëdhënie shumë të mirë me të atin dhe se ai nuk e dhunonte as atë dhe as të ëmën.
Ajo thotë se ditën e ngjarjes ai kishte shkuar në shtëpi shumë agresiv.
Në atë moment ajo thotë se kishte hapur derën e kishte dalë jashtë bashkë me të ëmën, për ta lënë të atin të qetësohej.
“Unë kam qenë shumë e lidhur me babin. Nuk kishte çfarë na ndante. Nuk më bërtiste dhe nuk më qortonte. Atë ditë dhe me mua ishte agresiv por nuk më thoshte gjë.
Shikime bërtitje. Ishte ndryshe në fytyrë. Babi sa vinte dhe bëhej më shumë agresiv. Mora çelësin dhe hap derën Duke nxituar i thashë dhe mamit dil dhe ti.
Babi të qetësohet e ta lëmë me kaq. Në media është thënë që ai na dhunonte. Nuk mund ta mendoja që babi të kishte armë. Nuk më dhunonte. Ai për mua jepte jetën” – tha ajo./Bl.Ba/Fjala.al
