Është gjetur arma e krimit që është përdorur në masakrën e 4 tetorit 2018, në lokalin “Monopol” në ish-bllok që administrohet nga Redi Popesku.
Pistoleta çuditërisht është gjetur nga policia në banesën e bosit të kompleksit “Adorions Palace”, Eugert Lazaj. Me këtë armë Eugert Lazaj, bosi i kompleksit “Adorions Palace” rezulton të jetë vrarë me një plumb.
“Arma që është gjetur në banesën e tij luksoze në Farkë, është një pistoletë tip “Glock”-, thonë burime pranë policisë.
Në masakrën e 4 tetorit të para dy viteve mbeti i vrarë Fabiol Gaxhaj, dhe u plagos biznesmeni Ervis Martinaj dhe miku i tij, Elion Hato.
Eugert Lazaj u gjet i pajetë nga familjarët dhe pranë tij pistoleta “Glock”. Sipas raportit mjeko-ligjor viktima, Lazaj kishte një vrimë hyrëse me puthitje në anën e djathtë të kokës dhe vrima e daljes në anën e majtë të kokës./Jo.Be/Fjala.al
