Të dhënat janë shpërndarë nga universiteti John Hopkins, një nga institutet kryesore që mbledhin të dhënat nga çdo vend i prekur nga COVID-19.
Pandemia tashmë ka shkaktuar zyrtarisht më shumë se një milion viktima në të gjithë botën.
Prej muajit janar, kur zyrtarisht filluan të qarkullonin të dhënat e para, virusit i janë dashur
24 javë për të arritur 500 mijë viktima, shënuar më 28 qershor. Kjo shifër sapo është dyfishuar, por në një kohë të përgjysmuar, 13 javë.
Shtetet e Bashkuara, me më shumë se 205 mijë viktima, mbulojnë rreth 20% të vdekjeve globale, ndërkohë që shifrat e përhapjes po ngrihen gjithmonë e më shumë edhe pse janë ulur format më të rënda.
Për herë të parë nga qershori banorët e Nju Jork kanë shënuar të shtunën e javës që lam pas 1 mijë të infektuar në vetëm një ditë.
Situata mbetet e rëndë në Meksikë, Brazil dhe Indi, ku përllogariten rreth 1 mijë të vdekur në ditë, por edhe vende që më parë nuk dukeshin problematikë, si Argjentina dhe që ditët e fundit ka një nga ritmet më të larta të rrezikimit nga koronavirusi.
Në Europë, situata po njeh rritje të vazhdueshme, veçanërisht në Britaninë e Madhe, Spanjë dhe Francë, vende që po përgatiten, në qoftë se trendi nuk ulet, për mbyllje të tjera. Ru. Do/ Fjala.al
