Shqipëria është bërë pjesë e një operacioni ndërkombëtar të organizuar nga EUROPOL në të cilin u arrestuan 166 persona.
Sipas EUROPOL 390 000 persona dhe 44 000 automjete hynë në ‘sitën’ e kontrollit në vendet ndërkufitare, të dyshuara për trafik kriminal.
Ky operacion zgjati 4 ditë dhe kishte si qëllim trajtimin e imigracionit të paligjshëm dhe trafikimin e armëve të zjarrit dhe drogës.
17 persona akuzohen për trafikun e armëve të zjarrit, 73 për kontrabandimin e emigrantëve, 37 për trafik droge, 12 persona u arrestuan për dokumente të falsifikuara.
Policia sekuestroi 51 armë të llojeve të ndryshme dhe 47 kilogramë të një shumëllojshmërie droge.
Operacioni bashkoi: Shtetet Anëtare të BE: Austri, Bullgari, Kroaci, Qipro, Danimarkë, Finlandë, Francë, Gjermani, Greqi, Irlandë, Itali, Hungari, Letoni, Lituani, Luksemburg, Holandë, Poloni, Portugali, Rumani, Sllovaki, Slloveni, Spanjë, Suedi.
Shtetet jo anëtare të BE-së: Shqipëri, Bosnje dhe Hercegovina, Kosovë, Moldavi, Mali i Zi, Maqedonia e Veriut, Serbia, Zvicra, Mbretëria e Bashkuar, Ukraina, Shtetet e Bashkuara. Agjencitë e BE-së: Europol, Eurojust, Frontex Partnerë ndërkombëtarë dhe institucionalë: INTERPOL, UNODC, PCC-SEE, CCËP, PA / 2019 kundër luftës ndaj krimit të rëndë dhe të organizuar në Ballkanin Perëndimor, SEESAC. 8838 oficerë të zbatimit të ligjit ishin të përfshirë në operacion dhe përfshinin oficerë policie, roje kufitare tokësore, detare dhe ajrore dhe agjentë doganorë./Jo.Be/Fjala.al
