Vllaznia nënshkruan edhe me Abdurrahman Fangajn, mbrojtësi, për 3 sezone kuqeblu

113 563 lexime

124,178FansaPëlqeje

Ish-mbrojtësi i djathtë i Laçit kthehet tek klubi i vendlindjes me një kontratë 3-vjeçare. Ndonëse trajneri Tomas Brdariç pati pohuar para 10 ditësh në një intervistë të posaçme për RTSH Sport se grupi aktual i lojtarëve ishte grupi përfundimtar me të cilin do të përballonte sezonin, Vllaznia nuk ndalet në merkato dhe të mërkurën në mbrëmje ka bërë të ditur një tjetër përforcimi të rëndësishëm. Nëpërmjet një postimi në rrjetet sociale, Vllaznia ka njoftuar se ka bërë realitet edhe një tjetër firmë në kontratë.
“Drejtuesit e klubit, në përpjekje për të ndërtuar një ekip cilësor, vijojnë edhe punën për rikthimin e futbollistëve të talentuar shkodranë që kanë luajtur me ekipet e tjera”, – shkruan klubi kuqeblu në postimin që më tej, vijon: “Dhe i radhës që rivishet kuqeblu është mbrojtësi Abdurrahman Fangaj. Pas disa sezonesh aktivizimi në radhët e Laçit, tashmë 23-vjeçari do të jetë pjesë e Vllaznisë.” Klubi i Vllaznisë ka sqaruar edhe gjendjen e futbollistit, i cili, sidoqoftë nuk do të jetë menjëherë në dispozicion të trajnerit gjerman për gjysmën e parë të sezonit.
“Lojtari është në fazën e rikuperimit pas një ndërhyrje kirurgjikale që ka bërë kohët e fundit dhe për këtë arsye ka firmosur një parakontratë me klubin tonë e cila do të hyjë në fuqi në janarin e vitit të ardhshëm’, – ka sqaruar më tej klubi i Vllaznisë në postimin e tij, duke shtuar se me Fangajn është rënë dakord që ai të jetë pjesë e skuadrës kuqeblu për 3 sezonet e ardhshme.
Mbrojtësi që luan kryesisht në krahun e djathtë, por përshtatet edhe anë atë të majtë, ka spikatur në 14 ndeshjet që luajti për Tërbunin e Pukës në sezonin 2015-2016, kur ishte vetëm 18 vjeç, duke vijuar të bindë në 102 ndeshje në 4 sezonet e fundit me fanellën e Laçit, ndërsa ka veshur edhe fanellën e Shpresave kuqezi.

Të fundit

Tensionet në Himarë/ Rama: Zgjedhja e Blerina Balajt, zhvillim pozitiv

Kryeministri Edi Rama ka reaguar për zgjdhjen e Blerian Balajt për drejtimin e Bashkisë Himarë. Në një postim në rrjetet...

Mënyra për të përfituar pension për të moshuarit që nuk figurojnë në regjistra

Indeksimi i pensioneve këtë vit pritet që të bëhet në muajin tetor. Në tetor pensionistët do të marrin ca para më tepër në pagesën...

Studimi: Qentë mund të lidhin fjalët me objektet

Qentë janë në gjendje të kuptojnë disa fjalë që iu referohen objekteve në mënyrë të ngjashme sikurse njerëzit, gjeti një studim që ka analizuar...

Rriten temperaturat në vend, në fundjavë rikthehen grimcat e pluhurit nga Saharaja

Gjatë ditëve të ardhshme vendi ynë do të jetë nën mbizotërimin e masave ajrore të ngrohta që vijnë nga Afrika veriore. Në një lidhje “skype”...

Marrëveshja Shqipëri-Itali për emigrantët/ Nisin punimet në Lezhë për ndërtimin e kampit

Marrëveshja Shqiptari-Itali e nënshkruar nga kryeministri Edi Rama dhe homologia Giorgia Meloni, burime bëjnë me dije se kanë nisur punimet e para të ndërtimit...

Lajme të tjera

Web TV