Këngëtarja shqiptare, Fjolla Morina, vijon të vuajë masën e dënimit “arrest shtëpiak” për 20 ditë në qytetin e Kukësit.
Ajo do vazhdojë të qëndrojë aty deri ën një vendim të dytë që do të japë gjykata, pas gjetjes së armëve që iu bë gjatë një kontrolli rutinë në pikën kufitare në Morinë.
Teksa po jeton e vetme, Fjolla po mirëpret herë pas here vizitorë, dhe e fundit që ka shkuar për ta parë atë ka qenë kolegia e saj, Fifi.
Këngëtarja dhe kompozitorja, emri i vërtetë i së cilës është Filloreta Raçi, ka publikuar në InstaStory një video ku shfaq momentet teksa Fjolla komunikon me të bijën e saj, Alayah.
“Ajo ka nevojë për beben e saj. Çfarëdo që ndodhë, kudo që jeta na përplas. Në të mirë e në të keq, unë jam aty për ty”, ka shkruar Fifi në InstaStory.
Të njëjtin postim, Fjolla më pas e ka rishpërndarë duke treguar se ndjehet e lumtur që po gjen mbështetjen nga kolegët e saj. Ka.Li/fjala.al
