Vatikani nuk pranon politikanë gjatë fushatës zgjedhore. Vatikani ka thënë se kishte refuzuar kërkesën nga Mike Pompeo për tu takuar me Papa Françeskun ndërsa akuzoi Sekretarin e Shtetit për përpjekje për të tërhequr Kishën Katolike në zgjedhjet presidenciale të SHBA duke denoncuar marrëdhëniet me Kinën.
Përplasjet erdhën pasi Pompeo akuzoi Kishën këtë muaj për vënien në rrezik të “autoritetit të saj moral” duke rinovuar një marrëveshje me Kinën mbi emërimin e peshkopëve.
Pompeo, i cili ishte në Romë të Mërkurën dhe do të takohej me zyrtarët e Vatikanit të Enjten, përsëriti denoncimet e tij mbi rekordin e Kinës mbi lirinë fetare në një ngjarje të organizuar nga ambasada e SHBA në Selinë e Shenjtë.
Dy diplomatët e lartë të Vatikanit, Sekretari i Shtetit Kardinali Pietro Parolin dhe Ministri i Jashtëm Kryepeshkop Paul Gallagher, thanë se Françesku kishte refuzuar një kërkesë nga Pompeo për një takim, pasi Papa i shmang takimet me politikanët përpara zgjedhjeve.
Zyrtarët në Selinë e Shenjtë thonë se marrëveshja nuk është e përsosur, por e quajnë atë një hap përpara.
Parolin dhe Gallagher i cilesuan kritikat publike të Pompeo si një “surprizë”, që erdhën pak para vizitës së tij të planifikuar.
“Normalisht kur jeni duke përgatitur këto vizita midis zyrtarëve të nivelit të lartë, ju negocioni agjendën për atë për të cilën do të flisni privatisht, në mënyrë konfidenciale. Është një nga rregullat e diplomacisë, ”tha Gallagher.
Këtë muaj, ka pasur shumë polemika. Pompeo u shpreh se Vatikani dhe Kisha Katolike po rrezikonte autoritetin e saj moral duke rionvuar marrëveshjen me Kinën sa i përket emërimit të peshkopëve.
