Agnetha Fältskog është një këngëtare, kompozitore, muzikante dhe aktore suedeze. Ajo arriti sukses në Suedi pas publikimit të albumit të saj debutues “Agnetha Fältskog” në 1968, dhe arriti famën ndërkombëtare si anëtare e grupit pop ABBA, i cili ka shitur mbi 150 milion albume dhe në mbarë botën, duke i bërë ata një prej artistëve më të shitur në historinë botërore të muzikës.
Pas shpërbërjes së grupit ABBA, Fältskog gjeti sukses me tre albume dhe një rol kryesor në një film si artiste solo në vitet 1980, megjithëse u shmang nga vëmendja publike në vitet 1990, duke iu shmangur vëmendjes së medias roz dhe duke qëndruar në ishulli Ekero të Qarkut të Stokholmit.
Fältskog ndaloi regjistrimin e muzikës për gati 17 vjet derisa lançoi një album të ri në 2004. Ajo u kthye përsëri në vitin 2013 me “A”, albumin e saj më të suksesshëm solo në repertorin e saj deri më tani.
Ylli biond i ABBA-ve ka festuar ditëlindjen para pak ditësh duke shënuar plot 70 vite jetë. Fansat e saj kanë postuar në facebook një foto të saj ku ajo ende shkëlqen, shoqëruar me urimin për një ditëlindje sa më të lumtur nga fansat e saj në të gjithë botën. Ru. Do/ Fjala.al
