Pjesë e debatit mes mazhorancës dhe opozitës lidhur me taksat që kanë paguar biznesmenët, apo siç i quan politika ‘oligarkët’ është përfshirë edhe kryeministri i vendit Edi Rama.
Në reagimin e tij, kryeministri Rama thekson se 100 më të pasurit kanë paguar 458% më shumë taksa në 5 vitet e fundit, se sa në 8 vitet bashkë të qeverisjes së PD.
“Meqë disa prej jush shkruan dje këtu se 10 më të mëdhenjtë paskan paguar më shumë se paskëshin marrë më shumë punë nga shteti (e pavërtetë), po ju vë sot para syve faktin tjetër kokëfortë, se 100 më të pasurit kanë paguar 458% më shumë taksa në 5 vitet e fundit, se sa në 8 vitet bashkë të qeverisjes së dështakëve që dinë veç të gënjejnë, të shajnë e të bëjnë rrëmuja pa lidhje! #FakteKokëforta”, shkruan Rama./Bl.Ba/Fjala.al
https://www.facebook.com/edirama.al/posts/10158197625991523
