Veliaj inspekton punimet te “Tumo Center”: Mezi pres ta kthejmë në një tjetër histori sukses

113 563 lexime

124,178FansaPëlqeje

Kryetari i Bashkisë së Tiranës, Erion Veliaj, dhe dy bashkëdrejtuesit e Fondacionit Shqiptaro-Amerikan të Zhvillimit (AADF), Martin Mata dhe Aleksandër Sarapuli, inspektuan punimet që po bëhen tek “Tumo Center”, në mjediset e stadiumit kombëtar “Air Albania”.

Veliaj theksoi se “Tumo Center” do të jetë një shkollë unike, jo vetëm në Shqipëri, por në të gjithë Ballkanin. “Nuk besoj se ka shkollë më të bukur se kjo që po projektojmë sot, e cila nuk është një shkollë tradicionale, me orarin 8:00 me 13:00, por është krejt alternative. Një shkollë unike jo vetëm në Shqipëri, por në të gjithë Ballkanin. E kam zemrën plot mirënjohje për gjithë bashkëpunimin me Martinin, Sandrin dhe skuadrën teknike të arkitektëve dhe inxhinierëve”, u shpreh ai.

Kryebashkiaku theksoi se kjo qendër inovacioni është një bekim i madh jo vetëm për Njësinë 2, por për gjithë Tiranën. “Çunat dhe gocat e talentuara nga mosha 12-18 vjeç, që duan të punojnë në industritë kreative, këtu do të gjejnë shtëpinë e ëndrrave. Për fëmijët e Tiranës, kjo është shtëpia e ëndrrave, një shtëpi kreative, që fillon përkohësisht këtu, para se të transferohet pak metra më tej, te Piramida. Është një lajm fantastik”, tha Veliaj.

Kreu i Bashkisë dha lajmin e mirë se këtë muaj nisin punimet për transformimin e Piramidës, që do të jetë sipas tij, shtëpia e përhershme e “Tumo Center”. Punimet do të zgjasin rreth një vit e gjysmë. Veliaj shtoi se ky investim përkon edhe me idenë për ta kthyer stadiumin “Air Albania” në një qendër multifunksionale. “Ideja fillestare ishte që stadiumi të mos përdorej vetëm një herë në muaj, sa herë luan Kombëtarja, por të kthehej në një burim energjie”, tha ai, teksa shprehu bindjen se dhe ky projekt do të kthehet në një histori suksesi.

Lexo edhe :  Marrëveshja me Italinë, sot pritet të mbërrijë në Shëngjin anija me 30 emigrantë

“Kur njerëzit pyesin “pse po betonizohet Tirana?” e nëse betonizim janë këto mjedise, ashtu qoftë, sepse po bëhen më shumë njerëz bashkë, po prodhohen më shumë hapësira, pa u detyruar t’i hipim avionit dhe të shkojmë jashtë për të ndjekur këto kurse, pasi më të mirën e Amerikës po e sjellim këtu. Nëse unë apo kushdo tjetër shahet e mallkohet për këtë, qofsha fajtor gjithë jetën, sepse ky lloj investimi, që sjell sport, komercializëm, socializim dhe industri kreative, është ndoshta gjëja më e mirë që i ka ndodhur këtij vendi në 100 vite, që kur është shpallur kryeqytet i Shqipërisë. Mezi pres ta kthejmë në një tjetër histori suksesi, si çdo gjë që Fondi Shqiptaro-Amerikan dhe Bashkia e Tiranës kanë prekur me dorë dhe kanë investuar”, theksoi Veliaj.

Teksa vlerësoi bashkëpunimin me Bashkinë e Tiranës, bashkëdrejtuesi i Fondacionit Shqiptaro-Amerikan të Zhvillimit (AADF), Martin Mata ftoi të gjithë të rinjtë të bëhen pjesë e këtij programi. “Ne kemi një shprehje: E ardhmja është sot! Ne presim diku te rreth 1 mijë fëmijë dhe për të gjithë periudhën derisa të kalojmë te Piramida, i gjithë programi do të zhvillohet këtu 100%, duke plotësuar të gjitha nevojat e fëmijëve nga 12-18 vjeç. Pa diskutim që i jemi mirënjohës Bashkisë së Tiranës, sepse nuk bëhej dot pa bashkëpunim”, tha Mata.

Të rinjtë që do të frekuentojnë mjediset e transformuara të Piramidës do të kenë mundësi të ndjekin kurse të ndryshme në fushën e IT dhe të komunikacionit, si dizajni, programimi etj./Bl.Ba/Fjala.al

Të fundit

Gjërat që njerëzit me IQ të lartë bëjnë sikur i pëlqejnë, por në fakt i urrejnë

Të jesh shumë inteligjent nuk do të thotë që gëzon çdo situatë që shoqëria e konsideron “elitare” apo “intelektuale”....

Ferri im

Nga Edison Ypi Jam i sëmurë me grip. Unë dy metra burrë po ndeshem dhëmbë për dhëmbë me një virus që mezi duket me mikroskop....

Rama rrëfen bisedën me Elmar Brok: Sa herë unë vij “të të vras”, ngjitesh më lart!

Kryeministri Edi Rama ka ndarë një postim në Facebook nga takimi me ish-kryetarin e komisionit të Jashtëm në Parlamentin Europian, Elmar Brok Mesazhi: Elmar Brok: Edi,...

Si ka fytyrë PD që kërkon procesverbalet?!

Nga Ylli Manjani Tani, edhe kjo kërkesa e PD që i bën me tërsëllimë KQZ, “na jepni kopjet e procesverbaleve”, kur komisionerët e tyre kanë...

LAJMI I FUNDIT/ Ervin Salianji kërkesë për lirim të parakohshëm nga burgu

Ervin Salianji ka dorëzuar një kërkesë për lirim të parakohshëm nga qelia. Këtë e bën të ditur Balkanweb. Mësohet se kërkesa është dorëzuar në gjykatën e...

Lajme të tjera

Web TV