Anulohet miqësorja Armeni- Shqipëri, që ishte programuar për tu zhvilluar më datë 7 tetor në Jerevan. Nëpërmjet një njoftimi zyrtar, Federata Shqiptare e Futbollit ka bërë me dije se është marrë vendimi që ndeshja të mos luhet, për shkak të situatës së rënduar dhe trazirave që po ndodhin aktualisht në Armeni.
Miqësorja u vu në dyshim fillimisht për shkak të konflikteve luftarake brenda vendit, ndërsa Federata armene zyrtarizoi më pas faktin se ndeshja do të luhej me dyer të mbyllura. Por ditën e sotme është marrë vendimi përfundimtar për anulimin e ndeshjes.
FSHF bën me dije se ekipi kombëtar do të vazhdojë normalisht përgatitjet në Tiranë për dy ndeshjet zyrtare të tetorit në Ligën e Kombeve, ndaj Kazakistanit më 11 tetor dhe Lituanisë më 14 tetor.
Pritet që grupi të kompletohet sot e nesër, dhe të vijojë i plotë seancat stërvitore në kuadër të dy sfidave të radhës në transfertë.
Fj.AkFjala.al
