Shumë njerëz në Shqipëri i bëjnë pyetje vetes se nëse PD vjen në pushtet çfarë lloj kryeministri do jetë Lulzim Basha? Këtë herë kjo pyetje nga emisioni HARD TALK NGA ROLAND QAFOKU iu drejtua Albana Vokshit, anëtares së kryesisë së PD dhe një nga bashkëpunëtoreve më të ngushta të Bashës. Vokshi parashikimin e saj e lidhi me ato punë që Basha ka bërë që në start të politikë së tij si pjesë e KOP dhe në qeveri. Sipas Vokshit duke parë këtë sukses ai do jetë i suksesshëm.
Ajo çka unë dua të them është që ashtu si ka qenë i suksesshëm në aktivitetin e tij profesional para se të hynte në politikë, ashtu sikurse ishte i suksesshëm edhe gjatë periudhës së fushatës së 2005, ashtu sikurse ishte i suksesshëm edhe në çdo ministri që ka drejtuar zoti Basha. Dhe unë mund të përmend të gjitha arritjet e qeverisë Berisha kur ministër ka qenë zoti Basha. Ndaj them dhe duke pasur dhe një model qeverisje ku zoti Basha ka qenë pjesë e një ekipi shumë të suksesshëm, sigurisht zoti Basha me vizionin e tij, duke qeverisur përmes dijes dhe jo duke u bërë palë me krimin, korrupsionin, trafikantët, por përmes dijes, duke pasur një ekip të shkëlqyer, duke pasur një program, të gjitha këto së bashku i dëshmojnë çdo shqiptari që qeverisja e Lulzim Bashës do jetë me dhe për interesin publik./Fjala.al/Ke.Ba
