Prej disa kohësh ylli i pop-it Rihanna është tërhequr nga skena muzikore. Këngëtarja e famshme ka vendosur që më shumë të përqendrohet në kompaninë e saj të të brendshmeve, “Savage x Fenty”.
Pak ditë më parë, bukuroshja prezantoi linjën e re të veshjeve intime. Madje ajo u kujdes me detaje që shfaqja e radhës të shkonte përtej imagjinatës së publikut.
Prezantimi i këtij viti ka qenë sfidë për yllin e pop-it dhe gjithë skuadrën e saj, e gjithë kjo për shkak të situatës së krijuar nga pandemia e koronavirusit.
Por duket se tani 32-vjeçarja ndodhet në telashe. Kjo për faktin se fansat kanë vënë re se ajo ka përdorur Hadithin islamik gjatë shfaqjes.
Në internet ka reagime të shumta që e akuzojnë Rihannën për mosrespektim të vlerave të islamit, duke përdorur një këngë që ka vargje të Hadithit.
Kënga quhet ‘Doom’ dhe është krijuar nga një producent me qendër në Londër, i quajtur Coucou Chloe më shumë se dy vjet më parë. Kënga ka mostra vokale islamike nga Hadithi i cili me sa duket flet për fundin e kohërave dhe ditën e gjykimit.
Hadithi në mënyrë të organizuar dhe bazuar në zinxhirët e transmetimit, është tërësia e thënieve dhe praktikës së përditshme fetare të profetit Muhamed ( profeti i fundit i njerëzimit sipas myslimanëve) bazuar në librin e shenjtë të myslimanëve.
Deri tani as Rihanna dhe as ekipi i saj nuk kanë reaguar ende ndaj këtyre akuzave.
