Pas votimit ditën e sotme në Kuvend të ndryshimeve kushtgetuese në Kodin Zgjedhor, ku mazhoraca arriti të sigurojë votat e nevojshme për këto ndryshime, ka reaguar edhe kreu i demokratëve Lulzim Basha.
Nëpërmjet një postimi në twitter, Basha ka thënë se Rama hodhi hapin e fundit drejt greminës, por nuk do mund ti marrë me vete Shqipërinë dhe shqiptarët.
“Akti i sotëm antikushtetues shkatërron konsensusin e 5 qershorit dhe godet rëndë integrimin europian të vendit. Rama e hodhi hapin e fundit drejt greminës. Por ai nuk do ti marrë dot me vete Shqipërinë dhe shqiptarët.Asgjë nuk e shpëton dot atë nga humbja dhe ndëshkimi që e pret!” shkruan Basha.
