Papa Françesku mendon se pandemia tregoi se politikat e tregut të lirë nuk mund të zgjidhin të gjitha nevojat e njerëzimit.
Në një enciklikë me 70 faqe, forma më e lartë e mësimit papnor, Papa Françesku përshkroi vizionin e tij për një botë post-pandemike.
“Tregu në vetvete nuk mund të zgjidhë çdo problem, sidoqoftë na kërkohet të besojmë në këtë dogmë të besimit neoliberal,” theksonte në shkrimin e tij Papa.
Kreu i Vatikanit shtoi se kapitalizmi i tregut të lirë “riprodhon veten” duke përdorur teoritë magjike të “derdhjes” ose “rrjedhjes” si zgjidhja e vetme për problemet shoqërore.
Enciklika, e quajtur “Fratelli Tutti”, ose “Të gjithë Vëllezërit”, përsëriti vizionin e papës për një shoqëri e cila shtrihet në përdorimin e pronës private.
“Tradita e krishterë nuk e ka njohur kurrë të drejtën e pronës private si absolute ose të paprekshme dhe ka theksuar qëllimin shoqëror të të gjitha formave të pronës private,” shkroi papa.
Një gamë e gjerë temash sociale duke përfshirë emigracionin, dënimin me vdekje, populizmin dhe padrejtësinë ekonomike ishinj tematika të prekura nga Papa.
Papa Françesku gjithashtu preku gjithashtu racizmin, duke e quajtur atë një “virus që nuk zhduket por shndërrohet dhe fshihet në pritje”. Ru. Do/ Fjala.al
