Kreu i Shtëpisë së Bardhë, Donald Trump ka marrë vëmendjen e të gjithë botës pasi rezultoi i infektuar me koronavirus dhe më pas u shtrua në spital për të marrë trajtim në një kohë kur ndodhet në mes të fushatës zgjedhore për një mandat të dy si lideri i shtetit më të fuqishëm në botë.
Stafi i tij dhe familja i kanë qëndruar pranë dhe shpesh herë kanë publikuar foto nga ambientet e brendshme të spitalit ndërsa Trump shfaqet duke ushtruar prej aty funksionet e tij si president.
Megjithatë disa detaje nuk i kanë shpëtuar syve të njerëzve, të cilët e kanë akuzuar Trump se po aktron dhe se gjithçka është një skenar i organizuar.
E gjitha kjo sepse në foton e fundit që ka publikuar media, Trump shfaqet i fokusuar në tavolinë “duke punuar”, ndërkohë që po firmos një fletë bosh e kjo nuk ka mundur t’i shpëtojë syve të mprehtë të publikut. Ru.Do/Fjala.al
