Kryeministri Rama gjatë fjalës së tij në Kuvend ka reaguar dhe në lidhje me deklaratat e forta të presidentit Meta gjatë konferencës me homologun e tij të Bosnje-Hercegovinës.
Rama tha se shembullin më negativ e ka presidenti dhe sipas kryeministrit , ai nuk ka kapacitetin mendor dhe moral të përmbahet edhe kur është në krah të një përfaqësuesi të huaj.
“Nuk ka asnjë problem të më sulmoni mua, jam mësuar me origjinalin, kopjet s’më bëjnë fare përshtypje. Dëgjova një zonjë këtu që fliste me një gjuhë që një grua nuk mund ta ketë, një nënë nuk mund ta ketë, një përfaqësuese e Parlamentit nuk mund ta ketë. Por cfarë faji mund t’i vë unë kësaj zonje, kur shembullin më negativ sot e jep Presidenti, që nuk ka kapacitetin moral dhe mendor që të përmbahet të paktën kur ka një përfaqësues të huaj në krah. Këtë nuk e ka bërë as Saliu”, tha Rama./Jo.Be/Fjala.al
