Kryeministri Edi Rama nuk ka kursyer as batuat në konferencën e përbashkët me Komisionerin për Zgjerimin e BE-së, Oliver Varhelyi.
Teksa foli për çeljen e negociatave, Rama u shpreh se Shqipëria është përgatitur disa herë për “dasma”, por “kruqshqit nuk i kanë ardhur”. Në këtë mënyrë, ai konfirmoi se nuk do të ketë më përgatitje, por sapo BE t’i thërrasë janë gati të vazhdojnë punën.
“Unë nuk besoj që Finlanda, Suedia, apo shumë vende të tjera të BE janë më pak të ndjeshme se sa Holanda kur vjen puna te rimi, korrupsioni, siguria e kështu me radhë. Por ka një dinamikë të brendshme të ndryshme, në vende të ndryshme, që i bën vendet që ta shohin me sy tjetër raportin e progresit, sipas interesave të tyre. Është legjitime, janë interesat e tyre. Unë nuk bëj parashikime. Shpresoj që ne të vazhdojmë duke u ulur në tryezë në konferencën e parë ndërqeveritare sepse hapja e negociatave është dakordësuar mes të gjithëve.
Nga ana tjetër ne kaq shumë u mësuam duke u përgatitur për dasma e krushqit nuk na erdhën saqë tani i kemi lënë përgatitjet për dasma. Nëse do na thërrasin ne gati jemi, të veshur, ulemi dhe vazhdojmë punën. Nuk kemi asnjë shqetësim.” u shpreh kryeministri Rama.
Pa.Va/Fjala.al
