Qindra infermierë në të gjithë Spanjën dolën në protestë për ti kërkuar Qeverisë shtimin e numrit të mjekëve dhe infermierëve në spitalet ku po trajtohen të infektuarit me Covid-19.
Në një kohë që spitalet janë të tejmbushur me pacientë dhe stafit mjekësor i kanë dalë nga kontrolli mbikëqyrja dhe kujdesi ndaj të infektuarve, ne Katalonjë po mendohet hapja e klubeve të natës, si nga nismat që mund të rimëkëmbë ekonominë.Spanja mbetet një nga vendet më të goditura nga pandemia e Covid-19. Ministria e Shëndetësisë raportoi gati 10,500 raste të reja të mërkurën, duke e çuar numrin në më shumë se 835,000 infektime.
Ndërsa këto të fundit rriten, rajoni i Katalonjës ka vendosur të rihapë klubet e natës brenda ditësh.
Katalonia do të lejojë hapjen e tyre për herë të parë që nga fundi i Korrikut.
Ata do të duhet të mbyllen në 3 të mëngjesit, por vallëzimi do të ndalohet.
Zyrtarët e Madridit thanë të Mërkurën se deri në fund të javës së ardhshme ata planifikojnë të lejojnë klubet e natës të fillojnë të veprojnë si restorante.
Klubet e natës në Spanjë u mbyllën gjatë verës si pasojë e rritjes së rasteve.
Ndërkohë, në Madrid, infermierët filluan një grevë të mërkurën, duke kërkuar më shumë staf dhe kushte më të mira pune.
Në grevë morën pjesë një numër I konsiderueshëm infermierësh dhe mjekësh, ndërsa nje numër I vogël nuk I braktisën vendet e punës si rezultat I mbipopullimi të spitaleve.
Rajoni do të duhet të shtojë 12,000 infermierë të tjerë. Infermierët protestojnë edhe për kontratat e përkohshme dhe kushtet e pasigurta në punë.
Në shkallë kombëtare, Spanja ka midis pesë dhe gjashtë infermierë për 1.000 banorë – shumë më poshtë mesatares së BE prej tetë ose nëntë. Ndërsa Madridi bie shumë poshtë mesatares kombëtare.
Greva vjen ndërsa sistemi i kujdesit shëndetësor në Madrid vazhdon të shtrihet nga një numër në rritje i pacientëve me COVID-19. Që nga e Mërkura, pacientët me koronavirus kanë zënë 22% të të gjithë shtretërve spitalorë të rajonit dhe 40% të njësive të kujdesit intensiv.
Në të gjithë Spanjën, gati 18% e të gjithë shtretërve të ICU dhe 9% e të gjithë shtretërve spitalorë po përdoren për të trajtuar pacientët me COVID-19.
Zyrtarët shëndetësorë raportuan shifra të larta të viktimave një ditë më parë.
Er.Ke/Fjala.al
