Ministrja e Mbrojtjes, Olta Xhaçka, është shprehur se Emergjencat Civile janë trjanuar dhe dhe profilizuar për emergjencat.
Nëpërmjet një postimi në rrjetet sociale Xhaçka ka theksuar se kanë nisur një projekt ambicioz për modernizimin dhe transformimin e emergjencave civile.
“Kemi kaluar fokusin nga reagimi tek parandalimi” është shprehur ministrja.
“Kemi nisur një proces ambicioz modernizimi e transformimi të emergjencave civile, duke kaluar një ligj të hartuar me mbështetjen e partnerëve, duke ngritur Agjencinë e Mbrojtjes Civile dhe duke mirëpajisur e trajnuar efektivët e FA të profilizuar për emergjencat. Mbi të gjitha kemi bërë progres në transformimin e qasjes ndaj rreziqeve natyrore, duke e kaluar fokusin, nga reagimi tek parandalimi”.
Tashmë ambicja e emergjencave është sipas ministres Xhaçka anëtarësimi në Mekanizmin e BE-së për Mbrojtjen Civile. “Ia kemi dalë që në vetëm një vit, të arrijmë një nivel gatishmërie e operativiteti që në planet fillestare do të kishte kërkuar së paku 4 apo 5 vjet. Por sigurisht kemi shumë rrugë për të bërë akoma, derisa struktura për të cilën po punojmë të jetë e standardeve që kërkohen për t’u anëtarësuar në Mekanizmin e BE për Mbrojtjen Civile”, shprehet Ministrja e Mbrojtjes. /Ra.My.Fjala.al/
