Shkatërrohet rrjeti global të dezinformimit, në shumë shtete drejtohej nga qeveritë

113 563 lexime

124,178FansaPëlqeje

Janë shkatërruar dhjetëra rrjete dezinformimi të përdorura nga grupe politike dhe të mbështetura nga shteti në shumë vende për të mashtruar përdoruesit në platformat e tyre.

Aksioni i madh është ndërmarrë nga kompanitë Facebook dhe Twitter. Në deklarata të veçanta, të dy kompanitë thanë se kishin identifikuar dhe pezulluar më shumë se 3,500 llogari të tyre, të cilat përdornin identitete të rreme për të përhapur informacione të rreme ose mashtruese.

Rrjetet kishin në shënjestër përdoruesit në një përzgjedhje të gjerë vendesh, përfshirë Shtetet e Bashkuara ku zyrtarët kanë paralajmëruar se qeveritë e huaja po përpiqen të ndikojnë në rezultatin e zgjedhjeve presidenciale të nëntorit.

Në raste të shumta, kompanitë e mediave sociale kanë zbatuar ligjin e SHBA-së për të gjurmuar dhe shpërbërë fushatat e ndikimit politik që synojnë votuesit amerikanë dhe që u janë atribuar shteteve të huaja, kryesisht Irani dhe Rusia.

Por Teherani dhe Moska kanë mohuar vazhdimisht akuzat.

Rrjetet e shkatërruara të enjten kishin një shtrirje globale përtej zgjedhjeve në SHBA. Operacionet synuan përdoruesit e internetit në të paktën 16 vende të tjera, duke filluar nga Azerbajxhani në Nigeri dhe Japoni, thane kompanitë Facebook dhe Twitter.

Twitter tha se pesë rrjetet që ajo kishte pezulluar ishin të lidhura veçmas me grupe me lidhje me qeveritë e Iranit, Arabisë Saudite, Kubës, Tajlandës dhe Rusisë.

“Qëllimi ynë me këto zbulime është të vazhdojmë të ndërtojmë mirëkuptim publik rreth mënyrave në të cilat aktorët shtetërorë përpiqen të abuzojnë dhe minojnë bisedat e hapura demokratike,” tha kompania në një deklaratë.

Facebook tha se kishte gjetur 10 rrjete, disa prej të cilave i kishte identifikuar më parë publikisht. Rrjetet ishin kryesisht të lidhura me grupe politike që synonin audiencat e brendshme, tha ai, duke përfshirë ushtrinë e Mianmarit dhe krahun rinor të partisë në pushtet të Azerbajxhanit.

Lexo edhe :  Luna Mari mbush 1 vjeçe, Kiara ndan momentet e ëmbla kur vogëlushja erdhi në jetë (VIDEO)

“Fushatat mashtruese si këto ngrenë çështje komplekse duke zbehur vijën e një debati të shëndetshëm publik dhe manipulimit”, tha Nathaniel Gleicher, shefi i politikës së sigurisë kibernetike në Facebook.

Të fundit

Duolingo po pushon nga puna stafin, inteligjenca artificiale do ta bëjë punën

Duolingo gradualisht do të ndalojë së përdoruri punonjës të pavarur për detyra që mund të trajtojë inteligjenca artificiale, sipas...

“Rriten krimet kibernetike”/ Në burgje dominon mosha 21-29 vjeç

Veprat penale u ulën në vitin 2024 por krejt e kundërta ka ndodhur me autorët e dyshuar që u rritën me 1.4%. Instituti i Statistikave...

“Të armatosur deri në dhëmbë!”/ Mbërrin në Mesdhe flota më e madhe britanike

Luftanija britanike HMS Prince of Wales, është fotografuar për herë të parë duke udhëhequr një nga flotat më të fuqishme në historinë e kohëve...

“Rinovon” Lara Colturi, përfaqëson Shqipërinë edhe për 1 vit

Pak ditë më parë lajmi se skiatorja Lara Colturi  kishte shprehur dëshirën që të garonte në të ardhmen për Italinë, trazoi ambjentin në vendin...

Nis edicioni i 5 i Turneut Universitar të Sportit, pjesmarrës 1200 studentë

Me pjesëmarrjen e 1200 studentëve nga 30 universitete të vendit, ka nisur në Tiranë, edicioni i 5-të i turneut Universitar të Sporteve. Të rinjtë përveç leksioneve...

Lajme të tjera

Web TV