Vendimi i demokratëve për të s’kualifikuar Ilir Rusmajlin, ish- ministrin e tyre nga KQZ-ja e re ka sjellë reagimin e ashpër të ish-kryeparlamentares Jozefina Topalli.
Përmes një postimi në rrjetin e saj social Facebook, Topalli e ka cilësuar si një akt të turpshëm, duke vlerësuar maksimalisht figurën e Rusmailit si një nga mendjet më brilante të PD-së. Për Topallin, kjo votë i kujton marrëveshjen e 2017.
“Para dy ditësh në Parlament, Rama në marrëveshje me Bashën votoi emrat e KQZ-së re. Sikur Basha të kishte kontestime për ndryshimet kushtetuese apo për mbylljen e listave përmes hapjes së rreme, ky i fundit nuk do të kishte dërguar në Kuvend emrat e tij (emra që morën votën e Ramës.
Përkundrazi, ata ishin në sintoni për çdo gjë. I vetmi kontestim që Basha kishte, ishte Ilir Rusmaili. Në një akt të turpshëm, Basha votoi ministrin e Edi Ramës dhe rrëzoi zëvendës kryeministrin e Partisë Demokratike. Ilir Rusmaili është njohësi më i mirë i zgjedhjeve, është profesor i së drejtës kushtetuese. Ai i është bashkëngjitur Partisë Demokratike që prej 3 dekadash. Një ndër mendjet më brilante të kësaj Partie.
Votimi i Bashës për ministrin e Ramës më kujtoi marrëveshjen e 2017 kur LB detyroi grupin parlamentar të votojë listën e vetingut, qeë fillonte nga Ina Rama deri tek militantët më famos të kryeministrit. Sa bukur merren vesht shahistët për të ruajtur karriget e tyre. Meritokracia, vlera, parimet e dija nuk kanë asnjë vlerë për ta”, shkruan Topalli./Bl.Ba/Fjala.al
