Një stacion policie në Champingy-sur-Marne është sulmuar të dielën me mjete të forta dhe fishekzjarre.
Burime nga policia thanë se autorët ishin një grup i paidentifikuar, rreth 40 persona, të cilët u përpoqën të mësynin brenda komisariatit, deri sa ata arritën të futeshin tek dera e institucionit.
Lajmi është konfirmuar nga kryebashkiaku Champingy Laurent, i cili deklaroi për BFM se ishte një sulm i organizuar, ku 40 persona ende të paidentifikuar, kërkonin të zhvillonin një luftë me forcat policore.
“Kjo është një nga ngjarjet e fundit që ka ndodhur, pasi disa incidente te tjera janë shkaktuar më parë dhe që synonin thyerjen e ligjit në zonë”, tha Laurent.
Kurse, Frederic Lagache, anëtar i sindikatës së policëve tha se nuk ka më asnjë respekt për zbatimin e ligjit dhe për fat të keq qeveria nuk ka arritur ta ndryshojë këtë trend.
Zyrtarë të tjerë të sindikatës së policisë u shprehen se këto incidente tregojnë rrezikshmërinë gjithmonë në rritje, me të cilën përballen zyrtarë të zbatimit të ligjit në Paris dhe qytete të tjera të mëdha të vendit.
VAL-DE-MARNE : Le commissariat de Champigny-sur-Marne a été attaqué cette nuit par des dizaines d’individus, à coups de barres de fer et de tirs de mortier d’artifice. Cinq véhicules ont été dégradés et des fenêtres brisées (Europe 1).pic.twitter.com/fcr8dT5XxP
— Infos Françaises (@InfosFrancaises) October 11, 2020
Policia e cilësoi rastin si “sulm i dhunshëm me mjete piroteknike”, por ka njoftuar se askush nuk është lënduar me këtë rast. Kryetarja rajonale e Parisit e dënoi ashpër sulmin, duke e përshkruar si akt me “skena lufte”, ndërsa shtoi se veprimet e tilla janë të patolerueshme.
Duke folur për mediat franceze, Valleri Pecres bëri të ditur se motivi i sulmit është i panjohur dhe se sulmuesit kanë ikur menjëherë nga vendi i ngjarjes.
Stacioni i sulmuar policor ndodhet në një zonë të njohur për trafikimin e narkotikëve dhe cilësohet nga autoritetet si një lagje prioritare për rikthimin e rendit dhe ligjit./Ru. Do/ Fjala.al
