Kryeministri Mark Rutte ka njoftuar një bllokim të pjesshëm, duke filluar nga data 14 tetor, me qëllim parandalimin e përhapjes së virusit Covid-19 në Holandë.
Mësohet se të gjitha baret dhe restorantet do të mbyllen nga ora 10 e mëngjesit, si dhe shitja e alkoolit do të ndalohet pas orës 20:00.
Grumbullimet më shumë se 4 persona do të ndalohen si jashtë, ashtu edhe brenda hapësirave të institucioneve.
Punonjësit do të duhet të punojnë nga shtëpia, nëse kushtet e punës nuk janë të përshtatshme, kurse shkollat do të qëndrojnë të hapura për momentin.
“Kjo masë do të dëmtojë ekonominë, por është e vetmja zgjidhje, prandaj duhet të jemi të rreptë”, tha Rutte në një konferencë shtypi, duke i kërkuar qytetarëve që të vendosin maskën në mjediset publike, si muzetë dhe supermarketet.
“Maska do të jetë e detyrueshme për të gjithë personat mbi 13-vjeç në hapësirat publike”, tha kryeministri holandez.
Rutte u shpreh se jemi të detyruar të respektojmë rregullat, pasi është e vetmja zgjidhje.
Holanda ka regjistruar 7.400 raste të reja me COVID brenda 24 orëve të fundit, një shifër kjo që s’ishte regjistruar që nga pranvera e kaluar./Re.D/Fjala.al
