Trajneri Edy Reja pritet të bëjë ndryshime të rëndësishme për sfidën e nesërme ndaj Lituanisë.
Kombëtarja Shqiptare do të kërkojë hakmarrjen ditën e nesërme në Ligën e Kombeve përballë Lituanisë, që na mposhti 1-0 në sfidën e parë. Përballja do të zhvillohet në Lituani dhe nis në orën 18:00. Trajneri Edy Reja është u shpreh në konferencën për shtyp se synimi kryesor është fitorja edhe pse kuqezinjtë i pret një ndeshje e vështirë. Ndërkohë, tekniku kuqezi ka menduar edhe për 11-ëshen titullare që do të zbresë në fushë. Reja ka menduar të bëjë disa ndryshime të rëndësishmë në formacion.
Formacioni i mundshëm: Berisha; Gjimshiti-Mihaj-Kumbulla; Doka-Kallaku-Bare-Laçi-Lenjani; Vrioni-Broja (3-5-2)
I detyruar nga mungesa e Abrashit, Reja do të hedhë në fushë Qazim Laçin që është favorit ndaj Çekiçit. Në sulm pritet të jetë Giacomo Vrioni në vend të Manajt, ndërsa Broja duket se ka fituar balotazhin me Seferin.
Deri tani Kombëtarja jonë numëron një fitore, një humbje dhe një barazim në Ligën e Kombeve respektivisht ndaj Bjellorusisë, Lituanisë dhe Kazakistanin. Kuqezinjtë ndodhen në vendin e dytë të grupit C, me numër të barabartë pikësh me kundërshtarët.
Pa.Va/Fjala.al
