Holanda do lejojë eutanazinë te fëmijët me sëmundje terminale nga mosha 1 deri në 12 vjeç.
Lajmi është konfirmuar nga ministri i Shëndetësisë, Hugo de Jong, i cili u shpreh se ky ndryshim do të parandalojë vuajtjen e padurueshme të fëmijëve.
Eutanazia është aktualisht e ligjshme në Holandë për fëmijët deri në 1 vjeç dhe për ata më të mëdhenj se 12 vjeç.
Me ndryshimin e këtij rregulli do përfshihen edhe fëmijët brenda kësaj grupmoshe, nëse ata janë në gjendje terminale, që vuajnë dhe që s’kanë asnjë shpresë për të jetuar.
Mësohet se ky ndryshim ka provokuar një debat të fortë mes koalicionit qeverisës dhe partive të tjera, veçanërisht ato konservatore të krishterë.
De Jong u shpreh se vendimi ka ardhur pas konsultimit me ekspertët, të cilët mendojnë se ishte e nevojshme të ndryshohej rregulli mbi moshën e lejuar.
“Studimet kanë treguar se eutanazia është e nevojshme për doktorët dhe prindërit e fëmijëve të sëmurë në gjendje terminale, të pashpresë dhe që do të humbasin jetën në një të ardhme të parashikueshme“, tha De Jong, drejtuar parlamentit.
Nga ky ndryshim do të preken pesë deri në dhjetë fëmijë në vit. Mjekët do të përjashtohen nga ndjekja penale për kryerjen e eutanazisë së miratuar mbi dikë në këtë interval moshe.
Prindërit duhet të japin konsensusin e tyre dhe të paktën dy mjekë duhet të bien dakord për procedurën.
Eutanazia dhe vetëvrasja e asistuar ka qenë e ligjshme në Holandë që nga viti 2002, këtij vendimi iu bashkua më vonë edhe Belgjika.
Këto dy vende janë të parat në botë që legalizuan praktikën, edhe pse në kushte shumë të rrepta/Re.D/Fjala.al
