Kreu i Grupit Parlamentar të Partisë Socialiste të Shqipërisë, Taulant Balla zhvilloi një vizitë zyrtare në Maqedoninë e Veriut ditën e sotme, ku u prit në një takim të veçantë nga Presidenti Stevo Pendarovski.
Balla ka zbuluar se gjatë këtij takimi, ndau me Presidentin vlerësimin e përbashkët se shengeni rajonal është një domosdoshmëri historike për të gjitha vendet e Ballkanit Perëndimor, që synon zgjerimin hapësirës së lirisë së lëvizjes për njerëzit, mallrat, shërbimet, kapitalet.
“Gjatë vizitës në Shkup u prita në një takim nga Presidenti i Maqedonisë së Veriut SHTZ Stevo Pendarovski. Ndamë me Presidentin vlerësimin e përbashkët se shengeni rajonal është një domosdoshmëri historike për të gjitha vendet e Ballkanit Perëndimor, me fokus në zgjerimin hapësirës së lirisë së lëvizjes për njerëzit, mallrat, shërbimet, kapitalet etj.” shkruan Balla.
Nisma për mini-Schengenin u hartua nga Serbia, Shqipëria, Mali i Zi dhe Maqedonia e Veriut.
Pa.Va/Fjala.al
