203 persona janë infektuar si dhe 5 persona kanë humbur jetën nga Covid-19 në 24 orët e fundit në vendin tonë.
Shifra e lartë ka dalë si rezultat i 1351 testime në 24 orët e fundit. Aktualisht në vendin tonë raste aktive janë 5759 ndërkohë numri i përgjithshëm i të infektuarve që nga shpërthimi i pandemisë ka shkuar në 15955 persona.
Rastet pozitive të konfirmuara në 24 orët e fundit janë identifikuar në këto bashki: 68 raste në Tiranë, nga 17 raste në Fier, Korçë, 15 në Elbasan, 14 në Berat, 12 në Lezhë, 10 në Durrës, 9 në Lushnje, 6 në Pogradec, nga 5 raste në Vlorë, Sarandë, nga 3 raste në Gramsh, Kuçovë, nga 2 raste në Shkodër, Kurbin, Mirditë, Tepelenë, Roskovec, nga 1 rast në Krujë, Kavajë, Librazhd, Mat, Fushë-Arrëz, Selenicë, Bulqizë, Shijak, Vorë.
Por kemi dhe lajme të mira, në 24 orët e fundit janë shëruar 87 qytetarë, duke e çuar në 9762 numrin e të shëruarve në vend që prej fillimit të epidemisë.
Ndërkohë numri total i personave që kanë humbur jetën të infektuar me Covid-19 është 434 persona.
Urojmë që në ditën në vijim të ulet numri i të infektuarve për shkak se qeveria ka vendosur me ligj mbajtjen e maskës në ambientet publike sapo del nga dera e shtëpisë.
