Ahmet Prençi ka qenë dikur pjesë e prokurorisë dhe një nga bashkëpunëtorët e tij ka qenë edhe drejtori aktual i Strukturës së Posaçme Anti Korrupsion Arben Kraja. Por si mendon Prençi për Krajën dhe a beson se struktura që drejton do ketë rezultate? Gjatë emisionit HARD TALK NGA ROLAND QAFOKU Prençi u shpreh:
-Sa besoni ju te SPAK dhe te BKH?
-Unë të them të vërtetën deri tani jam shumë pesimist. Megjithëse duhet thënë që prokurorët janë pa krahë. Se pa hetuesit prokurori s’ka çbën. Ai është një proces që do ta ndjekim, do ta shohim, unë shpresoj shumë që të ketë efektivitet. Këtë e dëshirojnë gjithë shqiptarët. Deri tani jam shumë i zhgënjyer me SPAK-un.
-Po tani ka filluar SPAK-u. Ju me zotin Kraja keni bashkëpunuar, e njihni personalisht.
-Po sigurisht.
-Çfarë vlerësimi keni për të?
-Vlerësim shumë të mirë se unë kam punuar me të. Por deri tani nuk shoh asgjë. Unë po e them sërish, ata janë pa krahë. Vetëm një prokuror në zyrë çfarë do bëjë? Kur të pajiset me Byronë e Hetimit, kur të ketë oficerët që t’i lëshojë për të bërë veprime të caktuara hetimore, atëherë mund të jap një vlerësim për efektivitetin dhe për produktin e tyre./Fjala.al/Ke.Ba
