Kryeministri Edi Rama ditën e sotme nga qenë i pranishëm në forumin Europa Park në Mynih nga ku ka kërkuar nisjen e negociatave për anëtarësimin e Shqipërisë në Bashkimin Evropian.
“Nuk mund të imagjinoj një shtëpi që mund të funksionojë mirë nëse nipat e vegjël i vënë veto gjyshërve”, është shprehur Rama në forum.
Kreu i qeverisë gjatë fjalës së tij është shprehur se nuk ka krim shqiptar, ai nuk ekziston.
“Krimi shqiptar, nuk ekziston. Nuk ka krim shqiptar. Gunther përmendi diçka që është jo reale. Si është e mundur që të dhënat për kriminalitetin nuk shpërndahen“, tha Rama.
“Macron më ka përsëritur shpesh që nëse biem dakord për çeljen e negociatave me Shqipërinë kjo nuk do jetë e lehtë për shkak të Marinë le Pen. Problemi është se ata duhet të prisnin zgjedhjet. I thashë përse nuk e thoni, ‘djema ne ju duam, na pëlqeni por duhet të lyejmë shtëpinë njëherë’. Opinioni publik e dëgjon sikur ne po bëjmë gjënë e gabuar, jo se Macron do përballet me zgjedhjet“, është shprehur ndër të tjera Rama.
Rama tha se negociatat janë gjëja më e rëndësishme dhe se ne jemi të dashuruar verbërisht me Evropën.
“Pozicioni ynë është shumë i çuditshëm. Ne jemi të dashuruar me një dashuri të verbër për Evropën. Por si mund të martohemi kur Evropa nuk na flet. Negociatat janë gjëja më e rëndësishme për vendet tona. Anëtarësimi do të vijë për pasojë të saj por negociata është çka është reale për ne. T’i privosh vendet nga ky instrument është pa kuptim. Është momenti i duhur për t’ju thënë ejani të vizitoni Shqipërinë, është larg 1 orë e disa minuta. Është vend i bukur, për të huajt është vendi më i sigurt në Evropë”, deklaroi Rama./Jo.Be/Fjala.al
