Aktori Rezart Veleshja është larguar papritur nga emisioni “Shiko kush luan”, që drejtohet nga moderatorja Luana Vjollca.
Mbrëmjen e djeshme ku spektakli u transmetua si normalisht ka rënë jo pak në sy mungesa e njërit prej kapitenëve të këtij emisioni. Në vend të Rezart Veleshnjës ishte Irgen Çela, një tjetër personazh i dashur për publikun nga radhët e Portokallisë. Mësohet se Veleshnja ka patur disa debate të forta me Luanën dhe kjo e fundit i ka treguar menjëherë derën aktorit të Portokallisë. Madje bëhet me dije se emisioni ishte regjistruar njëherë me Veleshnjën dhe pas debatit të tij me Luana Vjollcën është regjistruar sërish, por kësaj here me Irgen Çelën në vendin e tij. Një tjetër fakt që e konfirmon largimin e tij nga “Shiko kush luan” është që në rrjetin social Instagram, Veleshja ka fshirë të gjitha fotot që kishte nga puntatat e këtij emisioni.
Rezarti ishte pjesë e këtij formati që nga viti 2018, ku së bashku me Florjan Binajn ishin edhe dy kapitenët e skuadrave.
Pa.Va/Fjala.al
