Policia e Durrësit ka arrestuar një 39-vjeçar me iniciale J.I pasi u kap duke shpërndarë lëndë narkotike.
Është shpallur gjithashtu në kërkim nga policia edhe A.V. 30 vjeç, banues në Durrës.
Arrestimi i J.I u bë në afërsi të një lokali në rrugën “Aleksandër Goga”. 39-vjeçari është kapur në flagrancë nga policia duke tentuar të heqë lëndën narkotike prej 12 porcionesh e llojit heroinë, në vendin ku ishte fshehur nga A. V.
Në cilësinë e provës materiale u sekuestruan 12 porcione lëndë narkotike e dyshuar heroinë dhe 1 celular.
Mbi të arrestuarin rëndon akuza për veprën penale “Prodhim dhe shitja e narkotikëve” kryer në bashkëpunim./Jo.Be/Fjala.al
