Të gjitha organizatat joqeveritare islamike do të shpërbëhen në Francë me qëllimin për të luftuar radikalizmin fetar.
Lajmi është konfirmuar nga Ministria e Brendshme franceze, e cila bëri me dije se dy organizatat e para që do shpërbëhen janë etiketuar tashmë si “armiq të shtetit”.
Ky vendim vjen pas ngjarjes makabre ku një prind mysliman i preu kokën një mësuesi pas shfaqjes së karikaturave të Muhamedit te nxënësit.
Mësohet se ministri deklaroi se OJQ-të ÇIF (Collective against Islamophobia in France) dhe BarakaCity ishin të përfshira në vrasjen e mësuesit të Histori-Gjeografisë në Paris, pasi kishin lobuar kundër tij.
ÇIF, ka pranuar se ishte kontaktuar nga prindi i nxënësit mbi karikaturat, por mohoi kategorikisht të ketë marrë veprime kundër mësuesit.
Megjithatë, kjo nuk është hera e parë që kërkohet shpërbërja e ÇIF. Ka qenë pikërisht ish-kryeministri Valls, i cili në fushatën presidenciale të vitit 2017, bëri thirrje për paqartësinë e strukturës dhe financimit të kësaj organizate.
BarakaCity, gjithashtu ka tërhequr vëmendjen në të kaluarën, ku themeluesi i tij Yemmou është arrestuar me 14 tetor me akuzën për ngacmim kundër një figure në radio.
Dy organizatat fetare kanë vendosur të paraqesin një ankesë ligjore kundër këtij vendimi si “abuzim me pushtetin”./Re.D/Fjala.al
