Arbana Osmani është bërë nënë e një djali për herë të dytë.
Lajmin e ka bërë të ditur nëpërmjet rrjeteve sociale, partneri i saj Eduart Grishaj. Ndërkohë vetëm pak orë pas lindjes së djalit, të cilin e kanë quajtur Diell, Arbana ka shpërndarë një foto në Instagram, duke ndarë më ndjekësit përjetimet e para.
“Një Diell i vogël na shndriti sot❤️ Faleminderit për të gjitha bekimet tuaja, Ju dua” shkruan moderatorja, krah një fotoje ku duart e gjithë familjes duken bashkë.
Në foton e publikuar nga moderatorja, shihen duart e bashkuara të Arbanës, Eduartit, Jonit dhe Diellit të sapo lindur.
Arbana Osmani ka qënë në qendër të portaleve dhe rrjeteve sociale që pas konfirmimit se ajo dhe regjizori i “Dua të të bëj të lumtur” janë bashkë.
Arbana dhe Eduarti u vunë sërish në qëndër të mediave pas bërjes publike të shtatëzanisë së saj me regjisorin, dhe së fundmi çifti ka marrë pafund urime dhe komente për lindjen e djalit të tyre Diellit.
Kujtojmë se moderatorja është nënë edhe e një djali më të rritur të quajtur Joni, me të cilin ka një lidhje shumë të ngushtë. /Ra.My.Fjala.al/
