Kryeministri i vendit Edi Rama, ka publikuar mesazhin e Kancelares gjermane, Angela Merkel lidhur me situatën e pandemisë në botë.
Rama i bën thirrje qytetarëve të dëgjojnë mesazhin e Kancelares Gjermane e cila thekson se situata është serioze dhe duhet të marrim masa.
Merkel shprehet se jemi në një fazë shumë serioze të pandemisë dhe se kujdesi duhet të jetë maksimal.
“Të dashur bashkëqytetarë, më së fundmi, duke nisur nga kjo javë ne e dimë se tani jemi në një fazë shumë serioze të pandemisë së koronavirusit. Numri i infeksioneve të reja rritet me hapa të mëdhenj çdo ditë. Pandemia po përhapet me shpejtësi përsëri, më shpejt sesa në fillim, më shumë se në gjysmën e parë të vitit. Stina e verës relativisht e relaksuar ka mbaruar, tani po përballemi me muaj të vështirë. Se si do jetë dimri, si do të jenë Krishtlindjet tona, do të vendoset në ditët dhe javët në vijim. Ne të gjithë do e vendosim këtë përmes veprimeve tona. Më lejoni t’ju them se çfarë besoj se do të thotë kjo” për të siguruar që virusi të mos përhapet në mënyrë të pakontrolluar. Çdo ditë ka rëndësi tani”, thekson Kancelarja Merkel.
Shqipëria ka regjistruar 295 raste të reja dhe 3 viktima nga Covid-19 gjatë 24 orëve të fundit duke shënuar së fundmi një rritje të ndjeshme të personave të infektuar. /Ra.My.Fjala.al/
