“Nëse fiton Biden, Krishtlindja do të anulohet”.
Kështu është shprehur presidenti Donald Trump të dielën gjatë një takimi elektoral në Nevada, duke shënuar kështu një nga sulmet më të veçanta që Trump ka bërë ndaj kundërshtarit të tij, kandidatit Joe Biden në kuadër të zgjedhjeve presidenciale të 2020-ës.
Ai deklaroi se nëse fiton Biden, menjëherë do të urdhëronte një bllokim për shkak të pandemisë së koronavirusit, një veprim i tillë për rrjedhojë do të “anulonte” edhe festën e Krishtlindjes.
“Nën bllokimin e Joe Biden, sezoni i Krishtlindjeve do të anulohet”, ishin fjalët e sakta të Presidentit, i cili më pas ftoi të gjithë votuesit amerikanë të votonin për të.
“COVID po e kthen kurbën, ne do t’i kthehemi jetës normale”, deklaroi ai, duke nënkuptuar se nëse do të rikonfirmohej President jo vetëm që s’do të kishte bllokim, por gjithçka do t’i kthehej jetës normale sa më shpejt të jetë e mundur.
“Shikoni se çfarë po ndodh në Europë, pas bllokimit ka një shpërthim të ri të resteve të reja”, shtoi Trump, duke theksuar më tej se Biden është “një shprehje e një politike të korruptuar”. /Re.D/Fjala.al
