Kliti Leka, i akuzuari kryesor për ekzekutimin e Niko Goros dhe plagosjen e motrës së tij Eftiqi Qesku, pritet të marrë sot masën e sigurisë.
Mësohet se akuza do të përfaqësohet nga prokurori Arjan Xhaferri dhe relatohet nga gjyqtari Arqile Basho. Leka nuk ka zgjedhur vetë avokat. Atij i është caktuar kryesisht nga gjykata.
Kujtojmë se ngjarja ka ndodhur mëngjesin e 17 tetorit, në qendër të Himarës, pranë supermarketit të motrës së Goros. Vrasja e tij lidhet me një konflikt pronësie.
Sipas asaj që deklaroi Leka pasi pranoi krimin, ai dhe familja i kishin dhënë Goros një hapësirë për të ndërtuar, por më pas biznesmeni nuk i kishte shlyer detyrimet duke çuar në krimin në fjalë.
la.mi/Fjala.al
