Presidentit Trump më herët ka folur për një vaksinë që do të luftonte koronavirusin para zgjedhjeve të 3 nëntorit.
Ndërkohë Gjigandi farmaceutik “Pfizer” njoftoi se nuk do të kërkojë autorizim emergjent për nxjerrjen e vaksinës së saj kundër koronavirusit deri në fund të nëntorit. Nga ana tjetër dy kompani të tjera kryesore janë në pritje. Një kompani e katërt, nuk ka gjasa të ketë rezultat deri në fund të vitit.
Presidenti Trump ka thënë në mënyrë të përsëritur se një vaksinë do të ishte në dispozicion para zgjedhjeve, si pjesë e operacionit shumë të reklamuar nga administrata e tij “Operation Warp Speed”, e krijuar për të përshpejtuar zhvillimin e vaksinës.
Shkencëtarë me peshë brenda dhe jashtë qeverisë kanë thënë prej kohësh se afati kohor nuk është realist. Duke pranuar situatën në fillim të muajit, Presidenti Trump fajësoi politikën pa dhënë shpjegime.
Varianti i kompanisë Pfizer është një prej vaksinave që po ndjekin një qasje të re për imunizimin. Në vend të injektimit të pacientëve me një virus të vdekur ose të dobët apo mikrobe të pjesshme, vaksina përmban udhëzime gjenetike për një pjesë të koronavirusit.
Njoftimet nga media e kanë përshkruar sëmundjen si mieliti i tërthortë, një formë inflamacioni kurrizor që mund të shkaktojë dhimbje, dobësi dhe paralizë të gjymtyrëve, si dhe probleme të fshikëzës dhe zorrëve. Por kompania nuk ka konfirmuar diagnozën. Ru. Do/ Fjala.al
