Ministrja Anila Denaj zbuloi se zv. Ministrja e Financave, Belinda Ikonomi u largua nga posti për t’iu bashkuar familjes në SHBA.
Me anë të një postimi në Facebook, Denaj e falënderoi Ikonomin dhe për kontributin e dhënë në disa nga reformat e realizuara.
“Një falënderim të veçantë? për Zv.Ministren Ikonomi, për kontributin e dhënë për disa nga reformat kryesore në dobi të biznesit dhe nxitjes së investimeve në vend.
Me largimin jashtë vendit për t’iu bashkuar familjes, Belinda, lë pas një marrëdhënie të përmirësuar me biznesin dhe në finalizim një sërë nismash pro sipërmarrjes të filluara vitin e shkuar.
Suksese të mëtejshme Belinda!”, shkruan Denaj.
Belinda Ikonomi dhe prefekti i qarkut Gjirokastër, u shkarkuan ditën e mërkurë në mbledhjen e qeverisë. Ikonomi më herët ka qenë në krye të Drejtorisë së Doganave.
Pa.Va/Fjala.al
