Sudani është vendi arab i radhës që do të normalizojë marrëdhëniet me Izraelin, ka njoftuar sot presidenti i Amerikës Donald Trump.
Kjo erdhi pasi Amerika hoqi Sudanin nga lista e vendeve të etiketuara si sposnsor të terroristëve.
Kjo i hap rrugën e ndihmës ekonomike dhe investimeve të Amerikës në Sudan.
Trump teksa e lajmëroi këtë shtoi se ‘të paktën edhe pesë shtete të tjera arabe’ do të bëjnë marrëveshje paqeje me Izraelin.
Kjo lëvizje vjen disa javë pasi Emiratet e Bashkuara Arabe dhe Bahreini bënë të njëjtën gjë.
Të dy këto shtete e njohën Izrealin 26 vite më pas se vendi i fundit arab që e bëri një gjë të tillë.
Në vitin 1994 Jordania e ndërmori një hap të tillë, ndërsa më herët të njëjtën gjë kishte bërë edhe Egjipti më 1979.
Mauritania, një anëtare e Lidhjes Arabe Afrikane, njohu Izraelin në vitin 2009 por ndërpreu lidhjet 10 vjet më vonë.
Numri në rritje i vendeve arabe që zyrtarizojnë marrëdhëniet me Izraelin është dënuar nga palestinezët, të cilët e shohin atë si një tradhti ndaj kauzës së tyre.
Historikisht, vendet arabe kanë kushtëzuar bisedimet e paqes me Izraelin për shkak të okupimeve të terretireve dhe luftës së vitit 1967 nga e cila u krijua shteti palestinez me Jeruzalemin si kryeqytet./Re.D/Fjala.al
