Fotoreporterja Jadwiga Bronte kaloi 10 muaj në dy burgje të ndryshme moldave për të realizuar projektin “kujtimet e bukura”, i cili synon të krijojë kujtime të lumtura mes nënës dhe fëmijës përmes fotografisë në kohën e burgosjes.
Me aparatin e saj, Jadwiga Bronte ka portretizuar shumë gra që iu është dashur të përballen me vështirësinë e rritjes së një fëmije pas hekurave. Përgjatë vizitave të saj në burgje, Bronte ka përjetësuar momente të mëmësisë së thjeshtë dhe të zakonshme që të krijon përshtypjen se muret e burgjeve shemben dhe zhduken.
“Ka raste që nuk shkrep asnjë foto, flas me to dhe luaj me fëmijët. Për disa nëna, fatkeqësisht, unë jam personi i vetëm që shkoj t’i shoh”, tha fotografja.
Jadwiga Bronte, 30-vjeçe, është një fotoreportere dhe producente dokumentarësh nga Polonia, e cila së fundmi botoi edhe librin e saj të parë me titull “Njerëzit e padukshëm të Bjellorusisë”, i cili dokumenton jetën e njerëzve që pësuan dëmtime fizike dhe mendore nga tragjedia e Çernobilit në 1986./Re.D/Fjala.al
