Champions League rikthehet sërish këtë javë me sfidat e grupeve. Sfidat hapëse do të jenë Locomotiv Moscow-Bayern dhe Shakhtar-Inter. Bavarezët vijnë favoritë absolutë pas një fitoreje fantastike ndaj Atleticos në sfidën e parë dhe një fitore 5-0 ndaj Frankfurt në kampionat. Nga ana tjetër Interi triumfoi ndaj Genoas në kampionat, por barazoi ndaj Monchengladbach në sfidën e parë në Champions.
Atalanta që fitoi ndaj Midtjylland bindshëm do të presë Ajaxin që u mund nga Liverpooli i Klopp. Këta të fundit do të ndeshen me Midtjylland. Borussia Moenchengladbach që mori një barazim të vlefshëm ndaj Interit, do të presë Realin e Madridit që humbi befasisht ndaj Shakhtar në “Bernabeu” sfidën e parë.
Sfida të tjera që do të jenë në këtë kompeticion ditën e sotme janë Atletico Madrid-Salzburg, Porto-Olympiacos dhe Marseille-Manchester City.
Pa.Va/Fjala.al
