Kancelarja gjermane, Angela Merkel po mendon të planifikojë një izolim kombëtar të pjesshëm me qëllim parandalimin e transmetimit të mëtejshëm të virusit Covid-19.
Një fakt i tillë do të thotë mbyllje e detyrueshme për baret, restorantet dhe ndalimi i aktiviteteve publike.
Shkollat dhe vetëm disa dyqane do të mbeten të hapura, por një mbyllje e tyre do të thotë përshkallëzim i ashpër i situatës.
Vetëm ditën e hënë, Gjermania shënoi 8 mijë e 685 raste të reja me koronavirus.
Vendi ka përjetuar shifra rekord në dy javët e fundit, edhe pse krahasuar me vendet e tjera europiane shifrat nuk janë aq shqetësuese.
Masat në fuqi
Qarku bavarez i Rottal-Inn të martën do të futet defacto në bllokim. Shkollat dhe kopshtet do të mbyllen ndërsa aktivitetet publike do të anulohen.
Rottal-Inn regjistroi mbi 200 raste të reja për 100,000 banorë gjatë javës së kaluar.
Ky është qarku i dytë në shtetin e Bavarisë që po përjeton masat izoluese, pas Berchtesgaden i cili u izolua me datë 20 tetor.
Nuremberg, i cili është gjithashtu në Bavari, ka anuluar tregun e tij të madh të Krishtlindjeve, një nga më të njohurit në vend.
Christkindlesmarkt është zakonisht një tërheqje e madhe turistike, por për shkak të rritjes së rasteve COVID-19 kryebashkiaku Marcus Koenig tha se lënia e tij hapur do të përçonte një mesazh të gabuar./Re.D/Fjala.al
